Գարուն է. եղանակ, երբ սիրահարվում են բոլորն անխտիր` դեռահաս պատանիները, տղամարդիկ` միջին տարիքի ճգնաժամի շեմին, կատուները և, իհարկե, կանայք.

Մինչդեռ, տղամարդիկ սիրո խոստովանության պապենական մեթոդ ունեն. այն է` մի փունջ սիրուն Կատալեյայի ծաղիկ նվիրել նորաթուխ սիրելիին, կանայք գործը գլուխ են բերում այլ գործիքակազմով` ակնարկներ, հարյացքներ, ժեստեր:

Դե ինչ, քանի որ ձեր երջանկությունը բխում է նաև մեր բիզնես շահերից, ներկայացնում ենք 6 հետախուզական հմտություն` հասկանալու, որ նա սիրահարված է ձեզ:

Հին ու բարի ֆլիրտ․

Հեծանիվ չենք հորինի` ասելով, որ ֆլիրտը համակրանքի ամենաակներև դրսևորումներից է, ուրեմն, ինչպե՞ս է կինը ֆլիրտ անում. նա ժպտում է, նայում ձեզ ու փախցնում հայացքը ձեզնից, խաղում է մազերի հետ ու ոտքը ոտքին գցում` Շերոն Սթոունի վստահությամբ:

Ծիծաղում է ձեր, նույնիսկ անհաջող, կատակներից։ Սա սիրահարված կնոջը բացահայտելու ամենվտահելի մեթոդներից է. դուք անհաջող կատակ եք անում, ու մինչդեռ ականատեսները իսպանական ամոթ են ապրում, նա ի սրտե ծիծաղում է:

Անմիջապես չի պատասխանում ձեր նամակներին Կանայք հստակ պրոտակոլ ունեն. եթե նրա վերջին նամակին դուք պատասխանել եք 10 րոպե անց, ապա ձեր նամակին պատասխանելուց առաջ նա կսպասի ամենաքիչը` կրկնակի: Սիրահարված կինը, երբեմն, նեղացկոտ կինն է:

Ուղղում է մազերը․

Մարդկության պատմության ընթացքում այս ժեստը շատ սրտեր է գրավել. այն կարող է լինել ինչպես ինքնավստահ ու կործանիչ, այնպես էլ` ամաչկոտ ու թաքուն, բայց այն խոսում է մի բանի մասին` կինն ուզում է ավելի սիրուն լինել ձեր ներկայությամբ:

Նրա ընկերուհին աչքը չի կտրում ձեզնից Դուք կարող եք սխալմամբ կարծել, թե վերոնշյալ ընկերուհու սիրտն եք գրավել` չենթադրելով, որ սիրահարված կնոջ ընկերուհին ժամանակավորապես դառնում է նրա աչքերն ու ականջները:

Կծում է շուրթերը․

Սա արդեն ծանր հրետանին է. այս ժեստից հետո ձեզ, իսկապես, մնում է մի փունջ կարմիր վարդեր առնել ու պատրաստվել ժամադրության: